ثقافة

قلعة حلب

19 - فبراير - 2014

حجم الخط
0

عنديْ وَرَا قلعةْ حلبْ
عينين أغلى من الدَهَبْ
عم يضحكو..
بيناتنا ليل وسَـفَـرْ
ودروب محَّاها المطرْ
لمّا بكو..
* * *
ماشي على دربِكْ
بصرخْ: أنا بحبِّكْ!
عم تيبس وْرَاق العمرْ
وتبرعم الكلْماتْ!
هالليل عمْ يسرُقْ من عيونِكْ جمرْ
ويرشرش النجْماتْ
* * *
عنديْ ورا قلعةْ حلبْ
صيفين من تين وعِنَبْ
لا تقطفي العنقودْ
بإيدين أصفى من القَدَحْ
خلّيهْ عَ غصون المسا موعودْ
عم ينزُف نبيد الـفَـرَحْ
* * *
بحكيلِكْ حكايةْ
وجهِكْ قمرْ
عتم السما مرايةْ
بيناتنا ليل وسـفَـرْ
وخيامْ منْ بدو وحَضَرْ
وبكل دربْ رايةْ
عندي ورا قلعةْ حلبْ
رموشِكْ أو سيوف العربْ؟
محنِـيَّـةْ أحلاميْ
عـرَّشْ على كتافي التعَبْ
هـدّلِّـي أيّـاميْ!

‘ شاعر سوري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إشترك في قائمتنا البريدية